कोकण रेल्वेच्या आगमाननंतर विकासाचे चाक आणखीन जोमाने धावेल अशी अपेक्षा होती. तसे ते वांगीदाखल उदाहरणासाठी धावले, ते कोणीही नाकारू शकणार नाही. पण रेल्वेच्या उदयनानंतर कोकणाचे कोकणपण मात्र हरवू लागले आहे. कोकणी संस्कृतीने अनेक संस्कृती खानपानाच्या पध्दती आपल्या म्हणून अंगीकारल्या आहेत. कोकणात सर्रास उपलब्ध असणारे पंजाबी वा चायनीज फूड याचे उत्तम उदाहरण आहे. केरळ राज्यात पर्यटनांचा विकास झाला तो इडली डोसा या पदार्थावर, हे पदार्थ आज जगप्रसिध्द आहेत. अशी ओळख कोकणाच्या भात व मासे यांना मिळाली आहे का, जगात कोठेही जाऊन तुम्हाला हा पदार्थ मिळू शकतो का, या विषयी कोकणी पर्यटनावर बोलणाऱ्या सर्वांनीच विचार कऱण्याची गरजेचे आहे. कोकणचे ब्रँडीग करण्यासाठी कोकणवासीय कमी पडले आहेत हे खरे आहे. भुतकाळातील चुका टाळुन कोकण हा एक ब्रँड म्हणून जगासमोर नेणे गरजेचे आहे व एखाद्या ब्रँड ला मिळालेली ओळख सहजासहजी पुसली जात नाही. पेस्ट म्हणजे कोलगेट, थंड म्हणजे थम्प अप, पारले म्हणजे बिस्कीट या धर्तीवर कोकणाला ओळख देणारे बदलत्या काळातील ब्रँड शोधणे गरजेचे आहे.